ඇය මේ බව පැවසූයේ ඊයේ (10) ජාතික සමගිය හා සංහිඳියා කාර්යාංශයේ පැවැති සාකච්ඡාවකට සහභාගි වෙමිනි.
මෙම වසර විස්ස පුරාවටම සිදුවූයේ රට විනාශයට පත්වීම බවද එකල නව ව්යවස්ථාවට සහයෝගය නොදීමෙන් වරදක් කළ බවට එක්සත් ජාතික පක්ෂයේ බොහෝමයක් මේවනවිට පිළිගෙන ඇති අතර, පමා වී හෝ වරද පිළිගැනීම යහපත් දෙයක් බවද හිටපු ජනාධිපතිනිය ප්රකාශ කළේය.
චන්ද්රිකා බණ්ඩාරනායක මහත්මිය මෙහිදී පැවසුවාය.
“එදා එපා කියපු ව්යවස්ථාව තමයි දැන් රනිල් වික්රමසිංහ ගේන්න හදන්නේ. එදා එපා කිව්වෙ අපේ පක්ෂය නැවත දිනයි කියලා බයට. මම තව ටික කාලයක් ජනාධිපතිවෙලා ඉඳියි කියන බයට. අන්තිමට එයාලව බලයට ගේන්නත් මම උදවු කරලා, අගමැතිත් කරලා තවත් අය ජනාධිපතිත් කළා. දැන් එයාලා එදා මම කියපු දේ කියනවා. ඒ කාලය පුරාවට අවුරුදු 20 ක් තිස්සේ රට විනාශයට පත්වුණා. දැන් එක්සත් ජාතික පක්ෂයේ බහුතරය පිළිගන්නවා එදා ඒකට සහයෝගය දුන්නානම් බොහොම හොඳයි කියලා. ඒ වැරැද්ද දැන් පිළිගන්නවා. දැන්වත් පිළිගන්නඑක ලොකු දෙයක්.“
උසස් අධ්යාපනය තුළින් ජාතික සමගිය හා සංහිඳියාව ප්රවර්ධනය කිරීමේ ජාතික සමගිය හා සංහිඳියා කාර්යාංශය සහ විශ්වවිද්යාල ප්රතිපාදන කොමිෂන් සභාව ඒකාබද්ධව සංහිඳියා ජාතික සැලැස්මක් එළිදැක්වීම මෙහිදී සිදුකෙරිණි.
