ශේෂ්ඨාධිකරණයේ නඩුවක් ගොනු කිරීමේ රුපියල් 15,000ක්ද අභියාචනාධිකරණයේ නඩුවක් ගොනු කිරීමේදී රුපියල් 10,000ක්ද මහාධිකරණයේ නඩුවක් ගොනු කිරීමේදී රුපියල් 5,000ක්ද අය කිරීමට මුදල් ඇමතිවරයා යෝජනා කර තිබේ.
මුදල් ඇමතිවරයා මෙම යෝජනවා ඉදිරිපත් කිරීමේදී අධිකරණ අමාත්යංශයෙන් කිසිඳු විමසීමක් තොරව කර තිඛෙන මෙම යෝජනවාට අධිකරණ ක්ෂේත්රයට සම්බන්ධ විද්වතුන්ගෙන් මෙන්ම එහි ප්රධානීන්ගෙන් එකඟතාවයක් ලැබී නැතැයි වාර්තා වේ.
මේ පිළිබඳව අදහස් දක්වන විද්වතුන් පවසන්නේ මෙරට අධිකරණයක නඩුවක් ගොනු කිරීමේදී රජයට මුද්දර ගාස්තු ලෙස මුදලක් අය කරගන්නා තත්වයක් තුළ මෙවැනි තීරණයක් ගැනීම ආණ්ඩුව ජනතාවට කරන බලවත් අසාධාරණයක් බවයි. විශේෂයෙන්ම ශේෂ්ඨාධිකරණයේ නඩුවක් ගොනු කිරීම සඳහා මේ වනවිට රුපියල් ලක්ෂ දෙකක්ට අධික මුදලක් දැරීමට සිදුවන බවත් එවැනි තත්වයක් හමුවේ ඉදිරියේදී අධිකරණයෙන් සාධාරණය බලාපොරොත්තු විය හැක්කේ මුදල් හැකියව ඇති ධනවතුන් පිරිසකට පමණක් බවයි.
